              |
||||||||||
|
'A primma pazziella ca cchiù te piace e ca te da' cchiu' gioia... e ca pirciò t' 'a danno ...è 'a siggiulella. Tiene n'anno e capisce ch'e' 'a toja. Nun parle ancora, e pure: guaie chi 'a tocca. Tutt' 'a stessa mesura, no una chiara e una scura: songo tutte tantelle ' e ssiggiulelle d' 'e piccerille e d' 'e piccerenelle. Po' addeventa siggione, po' se trasforma a sseggia; e nun t' 'a danno cchiu': te ll'j' a piglia'. |
Ma nun songo cchiu' eguale, nonzignore. Ce sta chella mpagliata, lucida 'e pulitura, mpellicciata e allustrata; e chella adderittura c' 'a spallera ndurata, tapezzata 'e velluto. Dint' 'a cantina o ncopp' 'o Tribunale, addo' s'assett' 'a Legge; dint' a nu vascio, dint' a do' barbiere, a Palazzo Riale, dint'a do' pasticciere, ce truov' 'e seggie. E mmiez' 'e seggie, 'a seggia, chella ca tu vulisse: 'a pazziella d' 'e piccerille gruosse. |
|||||||||
|
||||||||||
